四季酒店Staycation Package體驗
✏️四季最新優惠：mrmiles.hk/four-seasons-hong-kong/
早兩星期嘅假期入住四季酒店，Package內容係先前$2700左右包晚餐及早餐。我訂嘅係城市景嘅房間，最主要原因為City View平幾百😅而呢幾個月嘅Staycation有好多酒店都已經係睇到海景咁所以都想住返下啲城市景嚟睇吓。
📍Checkin
呢一環變得好緊要，相信大家都明白呢加多人staycation而酒店standard checkin time又係3pm咁大家checkin 同時間要排隊嘅機會都幾高，我仲要入住嘅係重陽果幾日假期嚟所以都有晒心理準備要排隊。幾有驚喜係居然4pm左右去到無咩人唔洗點排隊，而我有朋友同日都係住四季1pm去到都係排15分鐘左右，排隊期間四季仲有派果汁真係要讚一讚。
幫我checkin係位型男叫Mr. D，非常有禮而觸摸到我嘅身份證同埋credit card都有用消毒紙巾抹完先俾返我。個人雖然覺得over咗但四季有心咁做某程度上體現到佢哋對hygiene 嘅重視，相信入住客人係有安心咗。
📍房間
我訂嘅係酒店最基本房型，裝潢以沉實奢華為主調，較接近嘅比較對象文華東方會多一分浪漫典雅。樓底夠高，空間感好足夠，房間活動空間感覺上會比文華多。浴室相當寬敞，我幾鐘意佢燈光都有幾個mode，開完夜床後會改埋晚間relax mode燈光。
📍Dining
套餐有包晚餐，食嘅嘢本身無乜期望點知又幾好食，本身就咁睇menu覺得弱過文華點知又唔係喎，兩邊嘅set都食過我個人覺得係不相伯仲，因為假期果幾日都人幾多所以有啲訂唔到餐廳嘅會安排去宴會廳或自選in room dining。
📍活動及泳池
四季嘅staycation package係假期果幾日有特別整啲in house guests活動，當中有個大大塊曲奇裝飾都免費我點咗嚟玩。如果收費項目就有得$188點Rum tasting，睇返個Caprice bar 準備嘅video嚟飲都幾有趣。其實呢啲都係酒店小心意，不過呢加staycation咁忙都仲有資源同心意去做我覺得係應該加分嘅。
泳池就四季真係冠絕全港都唔誇張，Rosewood嘅泳池都要輸個馬鼻。超大超多位而且開揚有景觀仲要有足夠經驗嘅職員服待你。場內有個恒溫池，天氣再凍仲可以enjoy到。
📍服務
個人覺得四季嘅服務要求係好高，職員對住賓客嘅態度相當好同埋真係當你係貴賓咁，我幾好彩checkin時唔太多人而前台未有排隊情況下幫我checkin嘅Mr. D送埋我上房間作簡單介紹，而且佢有主動同我講有睇過有冇海景房可以upgrade俾我不過因為假期關係實在太full，但佢都有特登問我需唔需要第日late checkout，我係完全冇主動問過嘅情況底下有咁嘅待遇都真係相當之深刻。我成日覺得唔係酒店有心唔俾你late checkout但係真係每一個客人都要求late checkout嘅時候佢哋真係搞唔掂。可能我係City View所以最後又真係俾到2pm late checkout 我（朋友訂海景房俾唔到）
整體四季感覺良好，非常時期都覺得佢地對得住自己品牌個名👍值得入住。至於文華入住體驗下回再分解🤗
下回再分解 在 #原神｜ 成就，巖港往事，且聽下回分解，且聽我一言，旅者 ... 的推薦與評價
视频源自：https://www.bilibili.com/video/bv1ty4y137v5 版权归「原作者」所有，如你觉得我侵犯你的权益，请发邮件到：[email protected]， ... ... <看更多>