諗都諗過Tea Pairing 可以咁玩 🍵
Wine Pairing試得多🍷 來點驚喜Tea Pairing？以往聽親tea pairing好多時都係Pair中菜，呢度居然玩Tea Pairing配搭西式fine dine去做？真係勾起我嘅興趣想一試搞邊科 ~
.
整體飯後感有幾個point想分享：
1️⃣ 估唔到用中式茶去配唔古怪之餘，更加能夠打開你嘅味蕾，做到好似Pair酒一樣能夠提昇菜式嘅鮮味😋 有無咁架勢啊？其中一道好深刻嘅印象，係魚子醬，諗都冇諗過魚子醬可以配冰滴百花香肉桂。面前有3款Kaviari/ Sturia/ W3嘅魚子醬，開始各吃一啖比較高低、味道、鮮味。然後呷口冰滴再去試，有魚腥味嘅會消除咗，海水嘅味道會增強咗🧀 尤其係Sturia飲茶後有種blue cheese味強烈咁湧出來！好震撼嘅Tea Pairing示範。
.
2️⃣ 店員好仔細咁講解茶嘅知識，用到嘅器皿、茶杯、沖泡嘅嗰種講究🫖🫖 仲自創茶之風味輪去教人點樣品評茶，食完餐飯好似上咗一堂。幾得意嘅係好多時都用茶杯去裝茶，反而呢度有啲茶係用酒杯去裝去特出茶香、茶味，例如用上Burgundy酒杯去突出花香味，欣賞中西合璧嘅突破。自創嘅風味輪仔細地紀錄好茶應有嘅香料、果香、香甜等嘅味道，每上一款茶都會講解佢嘅味道，好似平時飲酒都有tasting notes一樣📝 沖泡亦唔係只得熱泡，亦有冰滴去精煉茶味，即使熱泡亦會比你試吓每一泡嘅分別。
.
3️⃣ 講完茶嘅感受又講吓餐飯，唔係話主打茶就會hea過野食部份，成個menu有認真設計過同茶點配搭法。其中有幾道都相當驚喜，呢個【「老乾媽」M7澳洲和牛他他配炸馬蹄片】，無諗過老乾媽麻辣咁樣整個刺激版西餐tartare😂😂 仲有【慢煮「曉」蛋大啡菇配蔥油餅】先魔法水菇汁再飲茶，會突出玫瑰花香。蛋味濃郁而菇扒juicy，蔥油餅香口薄脆不膩，旁邊嘅老菜脯香而不鹹。主菜嘅【西班牙紅蝦汁浸煮藍龍蝦伴蝦籽粗麵】3款蝦頭做嘅醬，用咗粗麵將蝦汁精華盡吸！
.
$1,880/位 (7道菜)，另加$800 魚子醬鑑賞
(好食指數:8.5/10)
.
Glassbelly Tea Lab
銅鑼灣恩平道42號亨利中心20樓
#銅鑼灣foodsearchers #港式foodsearchers #foodsearcherssp
中菜tasting menu 在 2022中菜菜單-汽車保養配件資訊，精選在PTT/MOBILE01討論 ... 的推薦與評價
好幾年前讀過一篇刊登在CNN的專題文章：《Why do restaurants serve tasting menus？》，寫得精闢，說到兩大重點：一，Tasting menu的份量小但種類豐富， ... ... <看更多>