Search
每次嚟文華東方二樓嘅御苑餐廳食晏都總係充滿驚喜，行政午餐個menu轉得快過換季，今次嘅前菜同主菜嘅擺盤同窗外觀景都一樣咁令人賞心悅目；同可以攞出去拍賣嘅藝術品無異。抽幾樣介紹返：餐前出場嘅有咖喱蟹肉脆筒、前菜牛油果車厘茄卷、日式薄切帶子；主菜煎法國雞胸配鴨肝、黑豚豬柳及松露卡邦尼意粉、烤鱆紅魚配海鮮汁及甜品解體檸檬撻等。溫馨感人提示：一如既往用港澳地區嘅visa signature同visa infinite卡找數有買一送一優惠。
Vida Rica Restaurant at Mandarin Oriental, Macau
Mandarin Oriental, Macau 澳門文華東方酒店
行政套餐三款價格為$368/四款為$468
御苑餐廳 Vida Rica Restaurant - 澳門宋玉生廣場(皇朝)新填海區孫逸仙大馬路澳門文華東方酒店二樓
文華東方2樓御苑餐廳既行政午餐堅係值得一戰。前菜、主菜、甜品、一杯飲品再加一甖10克既魚籽醬都係三百幾蚊，多一道菜既set就四百幾，3道菜既set用 ICBC visa signature同visa infinite找數仲要買一送一，真係抵到極致。我地一行五人每人好random咁喺menu度篤一樣，務求要試晒佢地成個menu。跟住落嚟輕輕介紹比大家，圖為前菜界既63度慢煮雞蛋、波菜湯配忌廉生蠔；屬於主菜界既煎鱈魚配龍蝦汁同澳洲牛面頰；上完主菜就係魚籽醬登場之時，成甖獻給你，抵得住鹹鮮成樽就咁食又得，配落主菜度加持一下亦得。最後食左個令人一試傾心既朱古力拿破崙配啤梨雪葩作結。呢度既食物精緻，有景睇服務又好，同一樣既出品起碼比晚餐既價錢平一半，所以忍唔住要推薦比各位，時間充裕既嚟休休閒閒咁食個lunch，影下相打下卡都真係唔錯。
御苑餐廳 Vida Rica Restaurant - 澳門孫逸仙大馬路澳門文華東方酒店2樓
#vidarica #文華東方 #澳門obxxob #澳門 #澳門美食 #lunch #macaufood #macau #macaufoodie #instafood
