孤高!
好「Ben」勁既Ben Sir又出動教大家粗口既奧義喇! 其中有一段引起左我一個收埋左係心入便好多年既問題，係度同大家分享下，順便集思廣益睇下大家有冇答案。
話說Ben Sir教我地個「撚」字 (太粗俗，打完個字之後手心開始冒汗，所以以下簡稱為L)既其中一間功能係用黎作出否定，例如:
如果有人問你: 你有冇用架?
你可以答: 我有用
如果你加左個L字係中間，變左「我有L用」，個意思就會變左「我係無用既」
但係我發覺係頭先條問題入便，無論我係答「我有L用」定係「我無L用」
除左聽上去前便感覺不失霸氣而後便感覺灰L到痺之外
出到黎既意思其實都係代表「我無用」，點解會咁既呢? 點解唔會出現雙重否定既情況呢?
定係「我無L用」既「L字」係呢度又變成加強語氣呢? 但本身呢條唔係一條是非既問題黎既咩?
同埋點解L字既使用率會比G字同7字高咁多既呢? 近年好多人會叫毒男做毒L，信耶穌既男仔就叫耶L，點解唔用毒G甚至毒7呢? 使用時其實又有冇優先次序既呢? Benjamin Au Yeung
多謝Ben Sir令粵語粗口更加理論化同得到廣泛討論，希望大家睇完笑一笑之後，係日常生活中亦能好好駕馭呢種語言，唔好永遠都只係識得講「請你好好放低」喇。
#粗口學堂 #bensir #tvb #做乜春 #L樣 #有冇自己拎行李呀? #粵語英語粗口比較 #其實我呢個係Ben粉專頁
