喺日本逗留左前後八日，喺疫情氣氛之下，心情係會緊張啲，但亦因為咁樣而深深體會日本人嘅服從性。第一日去嘅時候，市面上得三份一人戴口罩，但係當第二日報章頭條表示有一個小朋友確診之後，口罩已經斷市，而當我再次返新宿嘅時候，戴口罩嘅人數明顯多咗好多。日本人對遊客依然非常友善，絕對冇歧視或者追打嘅情況出現。
我今次去日本，都幾小心下嘅，首先出入一定要着夠衫，另外我冇食過魚生，亦都冇食Shabu Shabu，即係日式火鍋。真係好大犧牲啊，連望洋樓都取消咗，因為佢係會幫我拆埋蟹嘅，雖然佢帶咗手套又戴咗口罩，但係成隻蟹俾佢咁樣摸法，如果真係咁啱有事就必中無疑！
選擇食飯嘅座位，都會坐埋一面，減少同其他人接觸嘅機會，可以嘅話甚至會要求有房。食飯嘅時間會揀喺人哋最繁忙嘅時間之前或者之後，座位亦盡量選擇通風位，譬如近門口。出外嘅話一定戴口罩，人多嘅地方盡量唔好去，出入則盡量用電梯而唔坐升降機。多去空曠嘅地方而少去百貨公司。
返到酒店，情況可以嘅話，就打開窗通通風。最後，既然有口罩，就必定要有個信封去包住個佢啦，所以入到酒店房，記得搜刮哂佢啲信封出嚟用啊。
#何嘉麗callmegaga #何嘉麗 #出街玩 #日本 #疫情出遊 #疫情期間日本直擊 #冇乜人 #疫情中的美好時光
疫情期間日本直擊 在 【台灣回日本全記錄】疫情期間入境日本要多久？需要準備哪些 ... 的推薦與評價
需要準備哪些資料跟手續？2022回 日本 最新規定｜ 日本 有個U1 YuiTube x #入境 日本 # 疫情 最新# 疫情期間 00:00 開場00:46 打包行李＆出發02:04 抵達 ... ... <看更多>