[香港 灣仔 ] 又係一年一度阿妹請食飯系列🥰 今年阿妹揀咗米芝蓮1星嘅 新榮記灣仔店，每一道菜都好impressive，服務勁殷勤，我已經諗緊幾時再去食過😏
🎈 #鯧魚飯 （$498）
幾乎每枱必點，份量比想像中多，4個人食每人都分到2碗☺️ 有d似日式釜飯又有D似臘味飯，米飯好入味，但又唔會太鹹，啱晒我呢D唔係鍾意食咁重口味嘅人！鯧魚味道濃郁鮮美，嫩滑無骨！
🎈 #沙蒜豆麵（$298）
沙蒜豆麵係浙江台州經典菜式，我第一次食呢😇 #沙蒜 原來唔係蒜，係海鮮嘅一種，難怪成個用沙蒜熬煮嘅醬汁咁濃郁鮮香🤤 #豆麵 其實係紅薯粉所做嘅粉絲，滑溜溜，超級掛汁，每一啖都鮮甜味美，我好鍾意💖
🎈 #原味黑毛豬仔排（$176）
本身好鍾意 #東坡肉 之類，不過要搵到好食嘅其實好難🤯 呢個黑毛豬仔排非常鬆化，旁邊嘅梅菜完全唔鹹，因為已經出晒味落個餸菜度！好正！
🎈 #脆皮妙齡鴿 （$128/隻）
#乳鴿 皮脆肉嫩，不過相對其他就顯得較為普通，其實味道唔差😄
🎈 #酸菜煮望潮（$88/隻）
湯頭酸辣鮮集一身，味道好有層次，第一次食『望潮』， #望潮 爽脆鮮嫩，每一隻仲會噴墨汁，墨汁勁鮮甜🐙
🎈 #蜜汁紅薯（半份$77）
紅薯與蜜糖、紅糖烹煮，紅薯果然上乘，紅薯嘅香甜味好突出，口感幼滑香甜🍠 不過對比其他就唔算特別，冇quota可skip😅
🎈 #紅糖麻糍 （$68）
對比下，甜品更推薦紅糖麻糍！糍粑外皮香脆，內裡軟糯，甜度恰到好處！
PS1. 奉送嘅橙都一樣甜到一個點，好想知係邊到出產🍊仲有 #合桃酥 都係我食過最鬆化最香合桃味嘅，好好食😭 呢度嘅服務真係一流，店員唔單止送我哋落到下層嘅正門口，仲幫我哋攞埋袋，搞到我都唔係咁好意思😅～
PS2. 多謝阿妹😘 繼續努力工作下年再搵多D（姐不想再努力了.jpg🤣）！
紅糖麻糍 在 去饭店必点的红糖麻糍，面点师教你在家做，皮脆里糯不黏牙 的推薦與評價
去饭店必点的 红糖麻糍 ，面点师教你在家做，皮脆里糯不黏牙. 1.9K views · 8 months ago ...more. 面点师老莫. 530. Subscribe. 530 subscribers. 38. ... <看更多>