呢段時間收到好多私訊，問我黃色經濟圈嘅店鋪或師傅介紹，包括電工、咖啡館、餐廳，連剪髮都有人問。
其實，真係好難介紹各式店鋪，尤其我開始懷疑自己嘅口味同其他人唔太相同，不如大家上去搵 晨光萬事屋，佢哋整合資料整合得好有心機㗎。
介紹：
【一齊撐過黑暗，直至看見晨光】
「晨光萬事屋」，係一個配對「良心經濟圈」供求嘅平台，為手足創造工作機會，令佢哋可以有尊嚴地靠自己雙手賺取收入。
同一般搵工平台唔同嘅地方係，一般搵工平台多數係收到僱主同求職者嘅資料後做配對，形式係相對被動；但我哋認為一個有二百萬人嘅良心經濟圈理應有足夠多嘅工作機會去養起自己人，但觀乎目前情況，供求之間似有斷層，有手足搵唔到適合嘅工、有僱主想請但請唔到啱嘅手足，因此我哋想主動咁去做配對。
—
我哋會集中喺兩方面：
1) 為手足提供培訓
我哋發現好多時係有工作，但年輕手足可能無相關經驗同技能就做唔到。有見及此，我哋希望連結良心師傅同肯學嘅手足，安排佢哋做學徒，邊做邊學，慢慢入行。
如果可以習得一技之長，無論對佢哋將來就業、甚至發展自己嘅事業，都絕對有幫助。
2) 主動創造就業機會
我哋會因應手足擁有嘅技能，主動向公司或者機構提案、接job，呢樣暫時會以freelance為主，同時唔會只局限於良心經濟圈嘅僱主，因為要壯大良心經濟圈，必須同時開源節流。
—
節流者，肥水不流別人田，即係自己錢只俾自己人賺，如果有工作點都要人做，我哋就先俾手足做。
但淨係節流並唔足夠，更要考慮點樣開源。我哋唔係只賺自己人錢，我哋要賺埋藍絲錢、賺全世界嘅錢，然後消費喺自己人度，將佢哋嘅財富納入良心經濟圈，再不斷滾存壯大。
我哋深信咁先可以長遠建立一個健全且實力雄厚嘅經濟體，作為手足長期抗戰嘅後盾。
—
分享住咁多先，想打工嘅手足、有手藝願意傳授嘅師傅、想提供工作機會嘅家長，希望大家可以幫手填一填表，以便我哋收集同整合資料 🙏🏼🙏🏼
📥 https://forms.gle/gxA6sMEboYZ6oZ3y5
—
#良心經濟圈 #黃色經濟圈 #貿易內戰 #經濟革命
#黎明前嘅黑暗係至撚黑暗
#但晨光終會來臨
Telegram channel: t.me/TheComingDawnHK
👉👉👉 傳送門： https://facebook.com/thecomingdawnhk/
