《中環初嘗便令人愛上的地道老撾菜。施心畢老撾餐廳》
嗰日嘅朋友約我到中環食呢間老撾菜，越南菜泰國菜就成日食，但係老撾菜真係第一次食，真係心大心細又興奮又緊張！因為我真係未去過老撾亦未食過老撾菜，概念應該同越南菜差唔多吧？？😅反正人一世物一世就跟朋友嚟試吓新嘢😋
來到店內，環境都算幾闊落，墻上掛滿不同的menu，圖文並茂，有好多款食物見到都好想食，於是我和友人就憑感覺去點菜，最後我們點了老撾海鮮全米湯粉($88)，白咖喱豬頸肉見求(見求即係白飯）($78)，老撾小食拼盤($68), 是拉差牛油雞翼（$48），老撾青芒果沙律（$68）同埋兩杯飲品，非常期待😋
老撾青芒果沙律（$68）有啲似泰國菜的青木瓜沙律，酸酸辣辣甚開胃，我哋食完好開胃食主菜！
先來的主菜係老撾海鮮全米湯粉，其實上面嘅勁多海鮮吸引住，有一隻大蝦，四隻青口，墨丸，魚餅，魷魚同兩大塊脆卜卜類似印尼蝦餅，另外仲有豆卜，芽菜等配料，佢嘅材料真係好豐富👍😋而佢嘅米粉我都係第一次100%小米製造嘅米粉，感覺煙韌啲同彈牙啲，食落亦都好軟熟，我幾鍾意呢個口感😍好正，相反朋友就麻麻呢個米粉口感，所以大半碗都係我食晒咁滯😋👍另外，上面有啲金不換，隻香味非常之突岀，令我諗起台灣三杯雞都常用到金不換，好香！😋
白咖喱豬頸肉見求(見求即係白飯）同樣令我驚艷，通常食白咖哩我諗起沙x王，但這裡的白咖哩豬頸肉飯更加出色。首先佢的擺盤好靚已經好吸引到我眼球，分量超多，白咖喱十分香濃，較重椰香味，直接淋入碟中，飯是用紫米飯，感覺健康，，佢嘅豬頸肉並非薄切一片片，反而係厚切一舊舊啖啖肉，而且燒得十分出色，非常juicy🤩保留到肉汁同時又有燒烤風味！真心正！而且配有多款蔬菜，有焗薯番茄青瓜青豆同埋粟米仔，而且係非常之新鮮，令你覺得成個飯一啲都唔油膩仲好清新！呢個飯我大推！下次返嚟一定再食😍👍👍👍
老撾小食拼盤($68), 係魚餅，蝦卷，春卷，魚肉卷同埋網豬肉卷組成，每個都非常好食炸得外脆內軟，我覺得個網豬肉卷最特別，佢嘅春卷又係必食。
是拉差牛油雞翼（$48），即係辣嘅牛油雞翼，雞翼開邊單骨勁易食易吐骨，而且有少少香辣好惹味，好容易一條接一條食個不停。😋
飲品方面我們叫咗兩杯特飲，朋友叫咗青檸梳打，我就叫咗一杯熱的南薑香茅水，香茅水感覺有啲似唔苦涼茶，食完煎炸野飲啱哂！
經過呢一餐令我認識到老撾菜係點樣，同時我亦感受到小店老闆對食物和製作的認真，凡事親力親為，希望讓顧客可嘗到地道的老撾菜，佢成功做到令我有下次再光顧的衝動！不過後來我先知原來老闆係上過美女廚房，同埋老闆係老撾王族嘅後裔，難怪食物嘅質素咁有水準！👍
____________________________________
店名:施心畢老撾餐廳
環境🏝：8.5/10
服務💁🏼♀️：9/10
價錢💰：7/10
食物質素🍝： 9/10
整體🙆🏻♂️：8.5/10
地址:
中環威靈頓街98號翡翠中心4樓
#吃貨玩樂在中環
#吃貨玩樂
#施心畢老撾餐廳
