阿妹，想食乜！同你介紹返咩係菜！
亂鳩咁黎系列，啊，應該係全職炒散系列話做就做，今日，我係菜檔陪同店主賣左半日菜，真係眼界大開，唔講太多，去點！
1）是日任務，賣菜！地點，屯門新墟街市，下午時段
2）政府街市，非領匯，檔口係兩個連位，目測菜品種類超過三十款，每款都唔算多
3）第一單生意，菜芯，一斤，廿蚊（覺得貴？咁要睇埋落去）
4）首先介紹返店主先，八十後，用五百蚊入行，零晨五點係街市前走鬼，然後投標入左街市擺檔，新墟檔口已經有八年歷史
5）店主只有一人，無請員工，返工時間，未發達前，凌晨四點幾五點，到晚上八點，幾乎你收工就要返屋企訓等聽日再開檔；發達後，朝早七點半，去到檔口叫早餐嘆，六點收檔走人
6）賣菜都會發達？一日搵幾多？黃金年代一日純利四五千走唔甩，今日就唔同講法，想知今日埋數賺幾多？慢慢睇到最後一點
7）如果想入行賣菜人工幾多？店主分享，你連菜芯同芥蘭都唔識分咁做，都一日700，當你熟手，甚至一手就可以精準拎到一斤菜時，就由一日900－1200不等，但你要搬菜，無體力請自重
8）有冇假放？你見街市有冇休息？幾乎只放新年，唔好講周末假期，長短周，連紅日你都要返工，店主聲稱只會去旅行時先會放假
9）付出咁多，你得到咩？養妻活兒，買樓唔太大既樓絕對無問題
10）睇到呢度，想入行做店主？請睇後面，會講晒所有條件比你聽
11）開始你問我答環節，咩季節食乜最好，低級問題，夏天食瓜果豆，冬天就菠菜豆苗西洋菜西芹粟米蘿蔔
12）菜芯公價係幾多？無所謂公價，唔同地方有唔同價錢，同樣係菜芯，由貴至平既排列大約如下：City Super，一田，大型連鎖超市，街市「執」菜檔，街市「唔執」菜檔，街邊大型菜店（夜晚會放晒出黎一份份平到五蚊有交易個種），而店主既菜芯係20蚊一斤
13）五蚊斤菜芯其實你都買到，點解店主會賣20蚊斤？上面講到一個「執」字，會執既菜檔普遍都貴，因為店主會將唔靚既菜頭菜尾都幫你處理好，唔好睇同壞既菜會丟左，你返到屋企只需要洗一洗就可以直接煮，有別於「唔執」檔，其實佢地有三分一都用唔到，佢貴係貴在個人工錢（其一）
14）有機菜合集，點去分辨有機菜？當你發現檔口有一大個「有機產品」Logo時，佢先「有機會」係有機菜，無Logo就一定唔係，想保證有機，請去大型超市就一定唔會呃你
15）有機菜係咪無農藥？錯，有機菜都有機會有農藥，只係係規管下你唔可以用多過幾多農藥，就算你食有機都「可能」有農藥使用過
16）有機菜係咪好食D，店主話根本難以分辨，味道口感同營養都唔係因為有機同無機而出現分別，你覺得有機菜好食既就食有機，開心就好
17）店主係咪賣有機菜？唔係，但店主主要係賣本地農場既菜，亦因為咁，呢個係佢貴過外面既原因之二
18）本地農場係咪好食D？唔一定，但一定會比進口菜新鮮，因為係運送過程會比進口菜短好多，本地菜由佢收割到街市，大約一兩日，店主話，大陸菜芯係寧夏過黎，唔通飛機空運咩，陸路過黎，又要車程又要過關，黎到香港去批發再派貨，自己計放左幾多日啦，當菜新鮮，自然就無咁老咁多渣
19）幾點前買菜最好？中午前啦，中午後就開始有野賣晒，當然你食大路野都會比較易買到
20）幾多錢先送蔥？店主話真話係，睇佢心情，我見佢有時送蔥有時送辣椒有時送蘑菇，靚女係有多D野送（以我觀察）
21）超甜粟係咪真係甜？係，但你要確認到佢真係超甜粟，最簡單分辨係粟米粒有黃有白，如果粟米鬚呈銀色就係極品（我打開粟米見到有條死蟲，店主話呢種通常都會捐去食物銀行，黑心店就會切走照賣）
22）讀者你問我答環節，有部份我都答左係上面，蕃茄係咪個底有粒星就甜？唔係，最緊要紅同軟，因為熟到軟既先代表甜
23）有機菜係咪會多d蟲，係，因為用少左農藥，整體會「樣衰」過無機菜
24）點樣洗菜最好？浸，然後洗兩轉都夠晒
25）入貨有冇MOQ，你一百蚊都可以買，有錢就得，有機菜要買唔難，但你要再轉賣有機菜就要有牌
26）菜係咪一定要噴水，係咪呃秤？店主即時展示佢既霧化噴壺，噴完之後佢問我，你覺得重左幾多？點解要噴水，店主有兩個解釋，一，依家街市有冷氣，比冷氣吹到菜乾左會唔好睇同老，所以冷氣位一定會噴水；二，因為大家都理解有水既菜先新鮮，為左滿足大家既心態，佢噴比大家開心下
27）菜有水係咪好快爛？唔係，店主話，你條菜乾到無晒水份，你放幾耐佢都係咁，但一定唔係好事，水係有助保存
28）如果買左菜食唔晒點保存？浸冰水，溫度會令菜保鮮；想放雪櫃點好？浸完水，飛水，唔好滴住咁放入雪櫃，唔駛乜報紙啊保鮮袋等等，其實都差唔多，因為家用雪櫃有抽濕功能，所以放保鮮格係會有助菜保留水份
29）菜係咪海鮮價？可以話係又可以話唔係，之前講到，有機、無機、本地、進口、地點、有冇執過都會影響價錢，當一棵菜芯係你眼中只係菜芯，咁就係海鮮，但你知道佢係一條本地有機執過既菜芯時，就係物有所值
30）冰菜上面既冰係咩？鹽份，所以冰菜有咸味
31）點氹師奶？店主教路，男既全部叫老闆，女既全部叫阿妹，呢個問題係我聽到佢叫緊一個六字頭既阿嬸「阿妹」後問……
32）點打敗家農呢類菜品店？有錢，你有一百億既可以同佢鬥過，但店主表示自己有一百億不如收息嘆世界，點解仲要賣菜？
33）仲請唔請Partner？店主無意開分店，依家佢賣菜係興趣（從佢撩阿姐既行為中，我信佢係真心喜歡賣菜）
34）點解每種菜唔同價錢但收幾錢就咁快計到？店主話當你日日都計，計足十年，你都可以
35）芫茜同蒽點樣可以放得耐啲？店主無奈表示，食左佢啦，真係要放，冰水，曾經有客問佢菜可唔可以放兩個月，店主指左對面間菜乾店叫佢買菜乾
36）每日賣淨既菜會點處理？一，食物銀行；二，賣比餐廳，通常都唔會掉，收檔時我見佢薯仔、薑、蒜頭呢類貨會留之外，其他全部入膠袋，夜少少會有人收走送去餐廳
37）平均一斤菜有幾多利潤？唔定，愈大路既菜利潤愈少
38）有冇人收陀地？無，最多都係舞獅派財神，十蚊打發走個種（佢係政府街市）
39）老老實實賣菜係咪生存唔到？係，答案太長，下回分解
40）如果你想入行，可以點？店主表示，如果你可以申請到政府街市，一個月租金平到你唔信，只要你開舖都唔會憂，領匯就唔好諗，原因太長，下回分解；以佢舖位做例子，起動成本只係兩萬以內，是日入貨1052，本真係唔算多
41）如果聽日係世界末日，店主只可以食三種蔬果，佢會食乜？非本地系列：日本產香菜、法國番薯、荷蘭甜椒；本地系列：香港椰菜、荷蘭豆、扁豆（原來兩種豆係唔同）
42）有關點揀菜……篇章太長，我會之後再解釋，今日記野都記到我頭都暈
43）是日進貨成本，1052；是日銷售額（只計紙幣）3800
44）是日本人收獲，老細請左我食外賣，一條老細精心挑選既蘿蔔同粟米，同埋一堆聽極都唔厭既賣菜知識趣事，請容我叫老細一聲，師傅！！！！
作者的話，今日真係獲益良多……我對菜真係一無所知，比佢笑左我好多次，對於一個完全無架子，願意分享成行所有情報同潛規則既店主，仲完全不求回報，佢話唔好開佢名，以免比人點錯相！我代讀者們再一次多謝佢，而我都同佢講，我仲有好多問題想知，一定會定期再搵佢！
所以讀者們如果有問題想再問既，請留言！！！！！！！！！
如果喜歡呢個系列，同埋想感謝店主既分享，請比Like Comment and Share！！！！！店主有偷偷睇Post！
賣菜系列將會下周再來！而我亦準備做圖文版本，需要較長，敬請留意我既更新
香港連鎖超市 在 Re: [問題] 香港比較local的連鎖超市- 看板Hong_Kong 的推薦與評價
惠康、百佳會比較符合你的需求:)
還有一家黃色招牌的，名稱是：華潤萬家
據香港友人說似乎是大陸那邊過來的
惠康賣很多東西
個人不喜歡買觀光客愛買的餅乾
喜歡多體驗香港在地人會吃的東西
每次離港前都會去大採購，光是買些餅乾糖果沖泡飲品都會花上1500台幣以上Q_Q
這回連午餐肉和淡奶都買了XDDDD
但要注意蠻多惠康都是開到晚上10-11點而已喔，比較少24hr的
可以晚上一個人回飯店前去大採買
個人小小推薦幾樣：
嘉頓的手指巧克力棒(這是香港非常老牌的食品公司)
有買過草莓和巧克力口味(香港叫巧克力為"朱古力")
(很怕寫出來以後去超市會不會都買不到了>///<大家要手下留情啊)
卡樂B 各種口味(個人很愛，但家人說就台灣的卡迪那嘛=.=")
超市賣的香港飲料，很多都很特別口味
尤其港人愛喝涼茶，常會看到許多茶類，和台灣很不一樣
大排檔，個人愛奶茶不愛鴛鴦奶茶>////<
惠康奶茶有時架上會缺貨，可能得多跑幾家
P.S 香港現在也推行環保，所以購物袋也要收費唷
如果可以的話自己帶個環保袋過去裝比較好
像是機場免稅店買酒都會送的那種不織布，很方便攜帶又好用^^
※ 引述《NC07 (NC)》之銘言：
: 請問版大
: 不知道香港有沒有比較有規模但又不是那種不是在百貨公司的超市？
: 想要去買些
: 比較當地的餅乾、巧克力
: 不知道有沒有？
: 另外有一天要自己一個人到晚上6點
: 不知道早上比較適合去逛哪
: 謝謝
: Ps希望週末到下禮拜好天氣呀＞＜
--
▍▍▍│▍▍│▍▍▍│▍▍│▍▍▍│
▍▍▍│▍▍│▍▍▍│▍▍│▍▍▍│
││││││││││││││││││
憂傷黑鍵，幸福白鍵
每一個音符，都是鑲崁心情的瞬間。
--
※ 發信站: 批踢踢實業坊(ptt.cc)
◆ From: 111.246.125.172
※ 編輯: roromsu 來自: 111.246.125.172 (03/26 21:34)
... <看更多>