Fishball~‼️不過…我今晚無帶魚蛋太郎去，佢仲係小朋友唔可以飲酒（笑）
近年日本清酒向國外發展，開始多咗唔同種類嘅清酒向國外輸出，清酒逐漸喺日本國外流行🏄
以前清酒俾人嘅感覺，好似一定係食日本嘢先會飲、或者係日本"大叔"嘅酒，見到香港越來越多人鍾意清酒，舊年去考SSI唎酒師資格嘅時候，都見到越來越多香港人對清酒有興趣而去讀清酒嘅班，作為日本人，其實係好Fish Ball感動嘅~ Arigat✨o🙏✨
前幾日我就同好多熱愛清酒嘅朋友，參加咗一個日本清酒嘅品酒宴，有一刻feel到猶如自己翻去日本居酒屋感覺，好掛住日本！多謝呢間鋪頭為我地製造咁嘅氛圍✨🍶✨
今次呢個品酒宴，我一共試到七款從來未喺國外發售過嘅清酒🗺
生產嘅酒藏係來自有"雪國"之稱嘅日本東北秋田縣，米除咗選用咗香港人都好熟悉嘅山田錦之外，亦特別選用咗非常罕有、唔係好多人知道嘅秋田縣秋田酒小町米，用來自「出羽丘陵」嘅純淨水，傳統嘅秋田冷釀法製酒。
代理商老闆Michael話，當佢第一次飲到呢個酒藏嘅清酒嘅時，個腦裏面好似聽到"pin"一聲咁嘅靈感，覺得好感動！係從來都未有試過嘅味道，於是佢就開始同酒藏嘅老闆商討，問佢可唔可以將佢哋嘅清酒帶去國外。由於酒藏規模不大，一直只係做日本國內嘅生意，產量亦都非常少，所以Michael話酒藏老闆一口拒絕佢嘅要求，對佢冷對待🥶（笑）
Michael幾個月來多次遊說酒藏，酒藏老闆感受到Michael對清酒嘅熱愛、對釀酒文化嘅尊敬，終於用誠意感動咗酒藏老闆，促成咗今次「天魁」清酒系列嘅發行
嚟緊陸續會喺好多餐廳都可以飲到呢個系列嘅清酒，希望大家下次出去食飯遇到嘅時候，都可以試吓～👍
#sake
#sakelover
#日本酒
#清酒
#japanesesake
魚蛋太郎 在 魚蛋太郎 的推薦與評價
Open search filters. Including results for: 魚蛋太郎 Search only for #魚蛋太郎 ... 創始人：魚蛋太郎(Fish ball太郎)同Soko 所屬選手：Fish Ball Soko（181cm . ... <看更多>