《命運》
♂：早晨
♀：早晨
♂：尋日我發現有個中學同學準備離婚
♀：又一個，我開始覺得結婚好無謂呢
♂：佢同我講，係解脫
♀：其實咁都好可悲，曾經愛過先會結婚，當時會覺得自己係超脫，但估唔到過左一段時間，會變成解脫
♂：無睇過圍城咩？城內的人想出去，城外的人想進去
♀：做所有野之前，唔係應該諗好先做咩？
♂：你信唔信命？
♀：唔信
♂：我信，命有講，即使命係定左，但人都係一生之中不停變，一個選擇當時係最適合自己，但隨時間自己都會變，去到一個唔適合既時候就會想走
♀：我可以肯定自己唔會變
♂：咁你可唔可以肯定對方唔會變？
♀：我會搵一個唔會變既人
♂：有冇聽過夫妻宮？每人既夫妻宮都有講到，呢段婚姻係好定壞定平，簡單去講，如果好壞平各佔三分一，要雙方都係好既，機率就只有九份一，即係九對人只有一對係可以開心咁渡過一世
♀：但無咁多人離婚，或者平平既人都可以過到一世
♂：可以咁講，我都見過，兩個相剋既人可以走過一世，問題唔係點去過，而係從睇命之中你可以發現，好，並唔常見
♀：我估唔到你咁信命
♂：唔到我唔信，我細細個就信命
♀：咁你條命係點？
♂：一般，我好細個已經知道
♀：咁你認唔認命
♂：唔認，但我信命係可以改變，就好似你行山咁，有條平坦既路比你行，你可以順住呢條路行，亦可以向左向右，可能一邊係山壁，一邊係懸崖，你可以行，但你要有能力，亦會異常辛苦
♀：我從來都唔信，亦唔會想知，如果知道一切，咁人生咪好悶
♂：有幾種人唔可以算命，其一就係唔信命既人
♀：所以唔駛幫我算
♂：咁幾好，其實我睇完都有少少後悔
♀：咁你睇你既命，有冇睇到你會做依家既野
♂：有，亦係其中一個原因我會繼續做
♀：你認為係你睇完所以咁做，定係因為命而令你咁做？
♂：兩樣都唔係，因為我喜歡，所以我先做
♀：我喜歡呢個答案
♂：你係因為呢個答案而喜歡我，定係因為喜歡我而喜歡我既答案？
♀：兩樣都唔係，我喜歡你，亦喜歡你呢個答案
♂：可唔可以做我女朋友？
♀：？？？？？
♂：可唔可以做我女朋友？
♀：你朋友，有同你提過我係咩樣？
♂：有，比你聲稱既都幾大出入
♀：咁你都想我做你女朋友？
♂：我唔睇樣
♀：我剛剛睇返當時你同我討論外表個陣，感覺你都幾睇外表喎
♂：如果我係睇既，我點解要飛返黎？聽朋友講我都有心理準備
♀：你認真？
♂：如果我頂唔順，我可以除眼鏡，我近視都幾深下
♀：你個仆街……
♂：我記得我講過情人眼裡出西施
♀：曾經我問過一個網友，內在同外在二揀一佢會揀乜，佢同我講，只有條件差既人先需要做選擇，如果條件夠好，大可以係一班有外在既人，揀有內在同啱自己既人，你唔好對號入座呢……
♂：我明
♀：我唔相信婚姻，婚姻只係各取所需，承諾無意義，要因為承諾左先去履行既話，咁不如大家唔好Expect咁多
♂：所以我先去旅行
♀：點解
♂：我想見多少少唔同既人點去對待婚姻，希望搵出一個真正屬於婚姻既真理
♀：唔係咁簡單喎葉師傅，你搵到未？
♂：未，愈搵，好似愈發現自己睇唔透
♀：咁係好事，一個人知得愈多先會知道自己有幾無知
♂：唔知我會唔會有人搵到
♀：我對你有信心，你會搵到既，當年魯迅棄醫從文都唔知自己可以影響咁多人，你知道自己要搵乜，要做乜，已經比好多人出色
♂：希望我可以捱到
♀：你可以既，btw，你好耐無出文，麻煩你寫埋佢，唔係22號大家就唔見
♂：嘩……你咁都得……
♀：係，我唔喜歡追下停下，所以請大作家你比少少心機寫埋佢
♂：我只係小作者
♀：大作家又好，小作者又好，都要埋尾
♂：我知……其實我一直都有寫……
♀：你有分數就得，唔需要同我交代，你加油
♂：好！
♀：咁你早少少休息，比心機！晚安
♂：晚安
——
長傾·不見 第一回 @筆友
https://bit.ly/LongchatEP1
長傾·不見 第二十三回 @時差
https://bit.ly/LongchatEP23
好久 不見 第一回@久違
https://bit.ly/LongtimeEP1
魯迅婚姻 在 【民國往事】 — 魯迅和朱安悲劇的婚姻 - YouTube 的推薦與評價
新青年們，你們好呀，今天給大家聊聊 魯迅 和妻子朱安，朱家和周家一樣也是紹興當地的大戶人家，那個時候的中國女人命運都很淒苦，做女人該做的事情， ... ... <看更多>