嗰日講咗牡蠣祝，似乎唔係食飽肚嘅地方。冇錯，因為佢有個姊妹叫做牡蠣屋，呢個至係重點。
基本上喺宮島，大部份嘅店舖都賣含有牡蠣（蠔）物品嘅食品，而賣燒蠔、炸蠔等等嘅食肆都唔少，企喺街食又得、外賣去海邊食又得、行入鋪頭坐低食又得，得咗！有一間仲有侍應識講廣東話添。
但係我依然行咗入牡蠣屋，原因好簡單，你睇吓我呢個Premium Kakiya Set（特選牡蠣屋定食）你就知，隻炸蠔有我半塊面咁大，每一道餸都同蠔有關，連嗰碗豆豉湯，都有隻蠔仔喺個湯底，真係唔到你唔服，而每樣嘢又都幾好味喎。
埋單每set 2690Yen，真係好食又好睇。
#何嘉麗callmegaga #何嘉麗 #出街玩 #日本 #廣島 #宮島 #嚴島神社 #為食路上 #牡蠣屋 #蠔 #特選牡蠣屋定食 #PremiumKakiyaSet #牡蠣祝 #生日月照例唔喺香港
