好多人對減肥有一個疑問，就係究竟我一日應該要食幾多餐，點安排每一餐嘅時間分配，之後又諗埋隔幾耐食一餐，希望可以增加到食物熱效應，加快新陳代謝，想話最大化到個消脂效益
以上呢一切嘅諗法其實都係錯左方向嘅，其實又1997年到2010年間已經有唔同嘅研究報告証實左，響兩個係訓練，休息，日常生活秩序都條件相同情況下嘅人，無論佢地一個係多食少餐定還是係另一個少食多餐嘅人，只要佢地所攝取嘅熱量相同，於體脂以及體重上嘅嘅變化係唔會有明顯分別，就好似幅圖咁，你分幾多餐食都好，2000卡路里始終都係2000卡路里，就算你係食一餐(如果你食得到)定係食6餐都唔會唔同左。
即係話真正影響體重同身形變化，最終都係歸究於你攝取同消耗嘅熱量***
咁你又會疑惑，真係見啲健美大隻佬一日食好多餐去增肌或者修身，佢地上到台又真係身形好靚喎，科學健身界有句好出名嘅名言就係correlation is not causation，意思係指即使有關連都唔代表呢個就係原因
所以你地應該要了解一下，健美大隻佬點解一日要食咁多餐先，人地上磅時，閒閒地一日要食6000卡路里，你想佢就咁三餐就食曬6000，想食死人咩，緊係分開食更合理更有效益啦，另外就係修身啦，當減磅時一日嘅卡路里可能只係可以食好少，個人好易會肚餓，某程度上少食多餐就成為左一個策略，每隔一個短嘅時間都有啲野食可以滿足下生理心理(所以參加健美比賽真係可以話係苦盡甘來)
而至於你話生酮或者斷食，其實都無問題，醫學上來說我相信有佢地嘅功用，在修身立場我同樣唔反對，因為有啲人可能憑正常程序去控制飲食真係可能會覺得好難好辛苦做唔到，但當佢地使用生酮或斷食時就能夠成功減低左攝取嘅卡路里數字而成功修身有好體態，並且覺得適合同愉快，咁樣其實真係無問題，總之幫得到你達到目標就係好方法，我地都支持你去做，但大家記著一個重點，去到最尾生酮及斷食所謂嘅功效其實都係源於你地減少左需要攝取嘅卡路里***
世界上無咩神食法，只不過係呢個戰略咁啱幫你做到你應該要做嘅事(減少卡路里攝取***好重要要講3次)
總結，你想減肥，一日食幾多餐其實無關係，最重要係你用咩策略去控制到你卡路里嘅攝取。
有興趣可以重溫youtube EP24--食幾多餐可增肌?可以消脂?頻率跟足無料到?:�https://www.youtube.com/watch?v=OcjznhEp3Wk
有更詳盡資訊!!
圖:Eunice 文:Burger
#KOFGYM #kcal #calories #burnfat #caloriesdeficit #eat #meal #cutting #bulking #muscle #bodyfat #減肥 #消脂 #增肌 #卡路里 #飲食 #健身 #香港健身 #香港加油 #香港人 #全民健身
bulking意思 在 Bulking 跟Cutting + 小弟新年目標 - Mobile01 的推薦與評價
首先大大們覺得我該先從Bulking開始嗎? ... Bulking + 配合飲食到一定程度之後在開始把多餘的體脂肪減去， ... 兩個中文的意思分別為增肌與減脂 ... <看更多>