關於 hkfoodie_life_台灣菜 ，我們在網路上蒐集到這些相關的討論、資訊與評價

📍ᴛᴀɪ ᴋᴏᴋ ᴛsᴜɪ, ʜᴏɴɢ ᴋᴏɴɢ 🇭🇰
<大角咀靚靚打卡芋圓甜品 芋圓一>
小編成20歳人今次都係第一次踏入大角咀，真係一啲都冇誇張😳為嘅就係呢一間芋圓糖水店，芋圓甜品既擺盤都非常之靚，真係好難會唔比佢吸引到🥰
芋圓一係一間主打做台式手工芋圓嘅甜品店😋店舖嘅芋圓都係每日人手新鮮製作，而且仲出名賣相靚，除咗芋圓、地瓜圓🍠同紫薯圓之外，亦都有獨家嘅栗子圓🌰。
-
🍴芋香仙草芋圓
評分：7/10
呢一款甜品首先會將仙草放底😆再喺表面鋪滿一層使用新鮮芋頭製成嘅芋香汁，最後就放上四色芋圓、白玉、薏米同黑糖珍珠🥰
芋香仙草芋圓入口有好重香甜既香芋味，不過個香芋汁食落會比起一般糖水杰身少少🤔所以個仙草入口亦會比普通既多一浸香芋味😋至於個四色芋圓方面，芋圓口感唔算特別煙韌，會偏向比較似係一咬就散開而且帶有輕微煙韌個種。雖然個香芋汁可能會比較搶味少少🤫不過芋圓入口仍然可以食得出有芋頭同紫薯香味，但地瓜同粟子味就真係唔太食得出啦😂而白玉方面，白玉既口感亦非常軟糯同煙韌。至於個薏米同黑糖珍珠就屬於普通水準😌整體而言，成碗糖水既香芋味都非常重，好特別，不過糖水入口既味道有少少偏甜😜
價格：HKD $36
-
🍴桂花糖清心丸芋圓
評分：7.5/10
甜品同樣係以仙草放底，表面再放上四色芋圓、白玉同薏米😊最後就灑上桂花花瓣作裝飾🤗另外，小編今次亦都加配左比較少見既清心丸。
桂花糖芋圓入口既味道唔算太甜😌而且成碗糖水都帶有清香撲鼻既桂花香氣，糖水既味道同四色芋圓唔會太過衝突☺️所以芋圓入口亦可以明顯食得出帶有芋頭、紫薯同粟子既氣味，但地瓜圓既香味就真心覺得比較弱👉👈至於個清心丸方面，清心丸入口甜甜地咁，而且入口口感帶有少少爽口😆成個口感都非常豐富，非常特別。而白玉入口口感同樣軟糯。整體黎講，糖水入口甜度適中，而且味道亦都非常清新😊
價格：HKD $36（桂花糖芋圓）+ HKD $8（清心丸）
——————————
店舖名稱：芋圓一
環境：3.5/5
服務：4.5/5
地址：大角咀角祥街48號地舖
交通：港鐵奧運站B出口，步行約7分鐘
——————————
#hkfoodie_life_大角咀
附近鐵路沿線仲有咩食👇
#hkfoodie_life_東涌綫
同類型食物嘅介紹👇
#hkfoodie_life_台灣菜
．
．
．
．
．
#tarone #taroball #芋圓一 #仙草 #清心丸 #芋圓控 #紫薯控 #紫薯 #手工芋圓 #芋圓

📍ᴄᴀᴜsᴇᴡᴀʏ ʙᴀʏ, ʜᴏɴɢ ᴋᴏɴɢ 🇭🇰
<台灣牛肉麵 玖五>
玖五牛肉麵本身都已經係香港開咗有一段時間，人流都有輕微下降嘅趨勢✌️所以又係小編準備出動嘅時候喇🤭
玖五牛肉麵本身係台灣嗰邊已經開業56年🤔香港店嘅價格就大概貴原本價格一半左右😩店舖裏面除咗有牛肉麵之外仲有啲小食、滷味咁樣，所以食物嘅種類一樣都係好豐富架！
🍴紅燒招牌三合一［軟麵］
評分：8.5/10
牛肉麵個湯底就有三款選擇，分別有紅燒、麻辣同蕃茄，就算啲湯底唔啱口味，都仲可以揀拌麵。招牌三合一裏面會有齊牛肉、牛筋同牛肚。
雖然小編今次就揀咗軟麵，但係麵條入口依然彈牙😯而且唔會過硬，仲好掛湯添👍另外麵條本身都做得比較闊身少少，所以相對亦都會比較有咬口。至於個牛肉同牛筋方面，就煮得非常之淋，而且亦都非常入味😋而個牛肚方面，入口就比較爽口，不過味道就稍為唔係太足夠。至於個紅燒湯底方面，入口有好輕微嘅香辣😚不過味道都唔算話好鹹，適中啦！食晒成碗面之後個口都唔會覺得特別口渴☺️
價格：HKD $95
🍴土鳯梨珍珠茶
評分：6.5/10
呢杯飲品由於係季節限定飲品，所以喺恆常Menu度係冇㗎🤭
飲品雖然影相出嚟就好似有兩隻色咁樣，但其實飲落都係得一隻味😂飲品個土鳳梨味道真係好突出，而且裏面有一絲絲嘅土鳳梨肉添，不過飲品個味道就甜左少少😖所以整體來講都係偏甜😞另外飲品裏面本身都有啲珍珠喺度，珍珠就係普通嘅白色珍珠，所以入口基本上唔會食到有額外其他嘅味道。另外珍珠本身個口感都幾Q彈☺️而且份量都算適中，整體來講都唔錯。另外店舖用嘅飲管係不鏽鋼嘅環保飲管，確實值得一讚😎
價格：HKD $30
——————————
店舖名稱：玖五牛肉麵
環境：4.5/5
服務：4/5
地址：銅鑼灣駱克道399號金禧大廈地舖
交通：港鐵銅鑼灣站C出口，步行約4分鐘
——————————
#hkfoodie_life_銅鑼灣
想睇翻同類型既食評👇
#hkfoodie_life_台灣菜
．
．
．
．
．
#twfood #taiwan #beefnoodlesoup #braisedbeefnoodle #braisedbeef #jiuwubeefnoodleshk #玖五牛肉麵 #玖五牛肉麵香港 #牛肉麵 #紅燒牛肉麵 #川味牛肉麵 #土鳳梨 #台灣美食 #台灣菜 #臺灣 #台湾料理 #牛肉麺 #紅焼牛肉麺

📍Hong Kong 🇭🇰
<台灣大學生票選No.1手搖飲品店 迷客夏>
迷客夏喺台灣有成二百幾間分店，係上個月終於開到嚟香港啦！雖然迷客夏係香港已經開咗成一個月，不過人氣依然旺盛，人龍不斷，小編嗰日排隊連攞嘢飲就用咗差唔多40分鐘。
店舖飲品嘅價錢就由HKD $16至HKD $36不等。下至普通嘅紅茶綠茶，上至尼期超有人氣嘅芝士奶蓋都有。
🍴柳丁綠茶［半糖］
評分：7.5/10
尼一杯飲品係台灣真係超級受歡迎，更加係買斷市添！不過估唔到嚟香港竟然有得飲之餘，仲變咗係香港行頂。
柳丁綠茶係用咗嘉義橙汁同茉香綠茶，橙味濃郁，而且可以飲到一絲絲嘅橙肉。綠茶同埋橙汁嘅比例做得啱啱好，所以飲品入口一開始可以飲到有好香而且帶有微酸嘅橙味，然後慢慢可以飲到好香醇嘅綠茶味。飲品消暑解渴，特別適合而家呢啲悶熱嘅天氣。
價格：HKD $26
🍴珍珠手炒黑糖鮮奶
評分：8/10
本來一心係諗住試佢哋人氣嘅大甲芋頭鮮奶嘅，不過可惜當日去到就賣晒，但都想一探究竟佢哋鮮奶嘅奧秘，所以就決定試吓佢哋呢個珍珠手炒黑糖鮮奶。
飲品本來應該分開咗三層，分別係澳洲有機全脂奶、黑糖漿同白珍珠。不過小編又將佢轉杯又剩就變咗得返兩層😂雖然飲品就冇得揀填甜度，不過味道亦都唔會過甜或者過淡。黑糖味香但唔會一味死甜，同個鮮奶好夾。飲品入口鮮奶味香，中間夾雜着淡淡的黑糖香味。飲品嘅質感亦都比較順滑。而白珍珠嘅部份亦同樣出色而且比較有驚喜，珍珠既口感煙韌。
價格：HKD $28
——————————
店舖名稱：迷客夏
環境：3.5/5
服務：3/5
地址：銅鑼灣利園山道17號地舖
交通：港鐵銅鑼灣站F1出口，步行約2分鐘
——————————
#hkfoodie_life_銅鑼灣
想睇翻同類型既食評👇
#hkfoodie_life_台灣菜
#hkfoodie_life_台式飲品
．
．
．
．
．
#milkshahk #milksha #twfood #taiwan #milkshop #bubble #jasminetea #柳丁綠茶 #珍珠手炒黑糖鮮奶 #黑糖鮮奶 #迷客夏 #黑糖 #奶 #珍珠 #台式飲品 #紅茶 #台灣美食 #タピオカ #タピオカミルクティー