關於 唔好斷章取義 ，我們在網路上蒐集到這些相關的討論、資訊與評價

【鄧小平真係有講過「香港不攪三權分立」?】

依家好多人開始搬番鄧小平出黎，引述佢以下1987年向基本法草委講過既一句說話，好似真係一早就講過香港唔搞三權分立：

「香港的制度也不能完全西化，不能照搬西方的一套。香港現在就不是實行英國的制度、美國的制度，這樣也過了一個半世紀了。現在如果完全照搬，比如搞三權分立，搞英美的議會制度，並以此來判斷是否民主，恐怕不適宜。」

我地真係翻查番《鄧小平文選　第三卷》裡面鄧老同志1987年4月16日個段發言，又真係俾我地搵得番成段輯錄發言，發現鄧小平成段既意思原來唔只咁短，睇哂成段先發現好有可能被斷章取義! 好明顯睇到係刻意抽起左接著個句：

「對這個問題，請大家坐到一塊深思熟慮地想一下。」

抽起左呢句，對理解鄧小平本意會有好大出入。剩係有前一段就好似一槌定音話香港唔攪三權分立，如果睇埋後一句，其實鄧小平只係叫啲基本法草委深思熟慮一下係咪要攪，根本係兩件事!

跟住原來重有一大段專登抽起，話「我們中國大陸」唔同「西方國家」，係「不搞三權分立」，對民主嘅理解都有唔同等等。即係話鄧小平原句冇直接講話「香港唔攪三權分立」，係建議香港要深思攪唔攪，強調話唔攪既係指緊中國大陸。

真係作者已死，好彩搵得番原文，唔該依家所有對鄧小平過度註釋、愈講愈扭曲既人，尊重番鄧小平同志成段講話既意思，唔好斷章取義鍾意抽佢一句有用扭曲原意，《鄧小平文選》1993年人民出版社只係賣$6.5，引述之前唔該自己將成段三權分立200字原文背左佢。

#真理已經愈辯愈明
#請循其本
#作者已死
#三權分立

參考資料：

鄧小平. (1993). 會見香港特别行政區基本法起草委員會委員時的講話. 載於《鄧小平文選, 第三卷》. 人民出版社

文匯報：兩辦重溫鄧公講話 重申香港不搞「三權分立」
http://news.wenweipo.com/2020/09/07/IN2009070056.htm

－
🖥 Facebook: https://www.facebook.com/localresearch/
📸 IG: https://www.instagram.com/liberresearch/
🖨 TG: t.me/liberinfo
🐦Twitter : https://twitter.com/LiberResearch
🎥 Youtube: https://bit.ly/2WOIKTk
🎧 Podcast: https://apple.co/3ly0yfw
🧠 研究義工報名申請表
https://bit.ly/2SbbyT3
🕵️‍♀️ 支持民間研究工作：https://liber-research.com/support-us/

//本Page Patreon經已開通，請訂閱支持本Page運作，謝謝！ 連結： https://bit.ly/2TvzIaF //

見有人叫城寨Fan屎做城粉，忽發奇想其實城寨同城邦派都只係一字之差，於是響Facebook出咗一個Post玩下食字gag：

舊青城派：青山城邦派
新青城派：青山城寨派

舊國師：陳雲
新國父：劉細良

熱普城vs燒D城

青城派改名者為蕭若元，極度痛恨城邦派嘅佢，其實當日已暗示陳雲有精神病，又批評佢班弟子神神化化，所以用「青山城邦派」嘲弄之；相比起黎「城寨Fan屎」雖然表面上正常好多，但對於劉國父「聖言」唯命是從，明明擺明呃錢嘅一堆Proeject大家都照磅水如儀，每遇有人批評質疑，都如念口簧9噏甚麼「你未睇哂成集就唔好斷章取義」黎幫劉細良解脫，其實果種狂信癡迷程度同舊青城派信徒相距不遠，所以稱佢地為「新青山城寨派」，只為客觀陳述也。

點知就係呢Post吸引一堆舊城粉走入黎吵鬧一輪，我又響度客觀講多兩句新國父同舊國師對於香港政治運動嘅評價：

其實原本劉細良為時事評論員，陳雲目的就係成為香港政治走向嘅先導者，亦即「國師」，本身原無可比性。但隨住劉細良自我不斷膨脹，開始介入各式各樣嘅社會運動並指點江山、有大量追隨者依其指示行動同消費，以至被人戲稱「國父」一刻，就有比較價值了。

無可否認，陳雲響香港本土運動方面，係扮演一個開創性嘅角色；即使你同唔同意《城邦論》都好，佢係為本土主義者提供咗一個理論基礎，好多本土論述日後都係藉住呢套基礎再衍生、反駁而繼續成長落去。

一場政治運動要能夠作有系統發展，除咗要有班人願意作實際行動，同樣需要有一套論述支持，否則就好難統合群眾、成為持久而有系統嘅力量。過往支聯會同飯民大台建構出「建設民主中國」呢套主流論述，再響之下帶出「有秩序示威集會迫使政府讓步」、「議會內寸土必爭，「聲援大陸民運人士」呢堆行動綱領，促成咗成套飯民體制嘅形成。

然後經過廿幾年嘅驗證，呢套嘢經已慢慢比人睇穿係一套唔Work嘅理論，本土思潮興起，正正係要由呢條崛頭路轉換至「另一跑道」。問題在於本土主義響理論根柢上面先天不足，最初只係將外國右翼一套排外理論照搬過黎，同香港國際城市多有抵觸；

其後「民族論」亦只係好粗疏咁討論香港人成為民族的可能性，同樣亦無嘗試爭取主流認同而調整所謂「民族」的定義解釋，結果當面對燒山、劉細良之類口舌便給的「才子」面前，就好容易被佢地啲辯才擊破，甚或老屈成「只有極少數人支持的偏激言論」、「違反人性的法西斯」云云。至於方志恆之流東施效顰嘅「香港革新論」，就更等而下之矣。

因為《城邦論》架構相對完整，「中港區隔」、「復興華夏」、「光復本土」，皆比飯民的過時論述超出一個層次，所以無論燒山細良多年來如何「抹黑」，始終難阻其思潮影響新一代年輕人，亦因此陳雲影響力先至會一直「陰魂不散」。

唯一可惜嘅係，陳雲將「城邦派」引入太多怪力亂神元素，吸引咗一堆忠誠度好高，但趕客度同樣高嘅Cultist入去，結果始終就係維持住一個小型團結社團程度而好難發大；

至於劉細良呢，雖然吸金力好大、Fan屎人數眾多，但其實佢同好多「黃標KOL」一樣，都只係將飯民大台一套過時理論重新包裝推出，滿足一班有一定經濟能力，對香港前途充滿無力感，唔想犧牲，想付出少少就當自己盡咗公民責任嘅廢老中產嘅心靈需要。

劉細良最有代表性嘅言論當為：「我地無能力令香港唔再沈淪、但至少希望令佢無咁快沈淪」，其實係變相承認飯民「建設民主中國、堅守一國兩制」論述全盤失敗。但佢並無開創任何新嘅道路，只係透過言論修飾將一班廢老中產嘅自私醜惡開脫，更令過往本來已破產嘅「贖罪卷經濟」而令一種形式借屍還魂（但錢當然亦改入細良口袋），所以佢相比起邪教教主，更似於恩福堂之類嘅呃錢牧師。

亦因為咁，響思想層面劉細良其實完全無開創性，反而係對舊有論述嘅一種「維穩續命丹」，協助主流大台抵禦各種新興論述嘅衝擊。當然如果你用人數黎衡量，劉細良受歡迎程度當然比陳雲為多，但響香港歷史上，「為大台維穩」大概就係劉細良唯一值得被記下嘅一筆。

「其實我真係支持佢哋 _ _ 㗎，但係唔好阻到人 _ _ 吖嘛！」

今日喺news feed，見到幾句類似咁意思嘅說話。

上兩個禮拜，同樣嘅人，遊行完，就話 #永遠站在雞蛋那方。

講少少未必人人啱聽嘅嘢。相信好多人都知，嗰句嘢係村上春樹講嘅，最近亦有唔少人引用；呢句說話，取自佢一個演說入面嘅其中一段，說話嘅完整版，其實係咁嘅：

「以卵擊石，在高大堅硬的牆和雞蛋之間，我永遠站在雞蛋那方。無論高牆是多麼正確，#雞蛋是多麼地錯誤，我永遠站在雞蛋這邊。」

意思係，即使雞蛋有咩唔啱，你都仍然揀企喺佢哋嗰邊嘅，先叫做「永遠站在雞蛋那方」。

唔好斷章取義。

況且，相比堅實高牆，脆弱嘅雞蛋又有幾錯？

今日嘅新聞，睇到人鼻酸。

#佩服年輕人